مبعرفش احب

مابعرفش أحب !!

*

أيوا ياسيدى مابعرفش أحب
تقولى عبيطة
وطفلة بشريطة
هقولك يا إنت
دا إسمه عفاف
ياواد يابن والدك
دا إسمه أدب !!
*
عاوزنى أقابلك !
تقولى بحبك
وأقولك بحبك !
ونظرة ولمسة
ورنة ورسايل
تزغزغ مشاعر
تحرك فى قلب !!
*
هتنزل هتطلع
تلالى تفرقع
هقولك ياشاطر
روح العب فى جنب !
*
مابعرفش غيره الحلال المصفى
ودينى فى صفى
أمشى فى طريقه
السعادة بعينيها
أحيد لحظة عنه
تلقى حالى اتقلب !

*
أيوا يا سيدى مابعرفش أحب !
عاوزنى أطاوعك
وابقى خاتم فى صابعك


انده لبكره

ولا حد سامعك
دا قالو زمان

الرجولة أدب!!
*
وهى الرجولة تعملى غاوى
وانت فى الحب هاوى
ولا أجدعها حاوى
تدوّب فى ديا
وتخدع فى ديا
شوف غيرى دية
زى باقى البنات
تفكر سيادتك
أمير الظلام
ولا قائد فى حرب !
*
أيوا ياسيدى مابعرفش أحب
مابعرفش أحب
غير حب طاهر
يدفى المشاعر
دا مش وهم عابر
فى يوم يخلى بيا
ومايسيب غير مرارة
وحسرة وتعب
*
روح اسرح بعيد
وشوف قلب غيرى
يكون لقمة سهلة
دا قلبى عنيد
وعالى وصعب !
*
ياسيدى ماتهدى
وتعقل وترسى
وسيب سكة فيها
يا خويا انت ماشى
آخرها العجب !!
*
ليه نفسك تجرك
تذلك تضرك
ماتصحى ضميرك
ليه تعصى رسولك
وهواك يبقى رب ؟!
*
ماقلنا ياسيدى مابعرفش أحب
هو الحب المضلم
وهربان تحت سلم
ياناس يبقى حب ؟!

*
*
عجايب

منقوله